გამარჯობა,
მე ონისე უგრეხელიძე ვარ, ცაგერის რაიონის სოფელ ოყურეშიდან, პროფესიით მშენებელი, მაგრამ რამდენიმე წლის წინ მივატოვე ჩემი საქმიანობა, სადაც არც თუ ისე პატარა თანამდებობა მეკავა და მევენახეობა-მეღვინეობას მივყავი ხელი. ყოველთვის ძალიან მინდოდა მამაპაპისეულ მიწებზე ვენახის გაშენება და დავიწყე ჩემი ოცნების რეალობად ქცევა, რამაც დღესდღეობით იმ ეტაპამდე მიმიყვანა რომ ძალიან მალე ჩემს გერმანელ პარტნიორთან ერთად ვიწეყბთ ლეჩხუმში ღვინის ქარხნის მშენებლობას. ამ ყველაფერს იმიტომ გიყვებით რომ ამ პროცესში და ამ შედეგში დიდი წვლილი მიუძღვის ევროკავშირის, შვედეთის და ავსტრიის მზადაჭერით განხორციელებულ პროექტ GRETA-ს.
გრეტას შესახებ ინტერნეტის საშუალებით გავიგე, რადგან მე თავიდანვე დაინტერესებული ვიყავი საგრანტო პორგრამებით, მუდმივად თვალს ვადევნებდი სიახლეებს და სოფლის მეურნეობის საიტზე შემხვდა ინფორმაცია. გზა საკმაოდ რთული იყო ბენეფიციარობამდე, პირველ ეტაპზე უარიც მეთქვა თუმცა არ დავნებდი და ბოლოს შედეგს მაინც მივაღწიე.
თან აქვე დავამატებ რომ ეს მოხდა ჩემთვის საკმაოდ რთულ დროს, მე რეგიონიდან თბილისში მომიწია ისევ გადასვლა, ჩემმა ადგილზე არ ყოფნამ ბუნებრივია გაზარდა საქმიანობის ხარჯები და ასეთ რთულ დროს გამოჩნდა გრეტა პროექტი, რომლის ფარგლებში გაწეულმა დახმარებამ შეცვალა საქმიანობა და განვითარების მყარი საფუძველი გააჩინა.
დონორების დამხარებით მივიღე 2 ცალი 3 ტონიანი უჟანგავი ავზი, სამაცივრე დანადგარი, კლერტსაცლელი დანადგარი და ფაქტიურად ამან განაპირობა რომ დამეწყო ღვინის ჩამოსხმა. მანამდე მე თვითონ ღვინოს ვერ ვაკეთებდი, რადგან წარმოეუდგენელია მაცივრის გარეშე და ან ჩამქონდა თბილისში, ქარხანაში ვამზადებინებდი რომელიც ძალიან ძვირი მიჯდებოდა და ან ვაბარებდი ყურძნად. აღარ იყო მოსავლის გაფუჭების საშიშროება თუ მას ვერ ჩავაბარებდი და უკვე ფინანსურად მომგებიანი პერსპექტივაც გამოჩნდა რადგან შენ თვითინ როცა შეგიძლია ჩამოასხა ღვინო- გაცილებით უფრო მომგებიანია. სიამაყით ვიტყვი რომ დღესდღეობით 2-3 ათას ბოთლს ღვინოს ვასხავ წელიწადში, როცა ადრე საერთოდ ვერ ვასხავდი.
მიღებულმა დახმარებამ გააჩინა ასევე გაფართოების და განვითარების საფუძველი და სწორედ ამ საფუძველმა განაპირობა საქმიანი კონტაქტის დამყარება ჩემს დღევანდელ პარტნიორთან, რომლის მიზანიცაა ისეთი დონის ქარხნის აშენება რომლის ანალოგიც შეიძლება საქართველოშიც კი არ იყოს.
ასევე უნდა ვახსენო ტრეინგებზე მიღებული ცონდა და უნარ-ჩვევები, ასევე ბიოსერტიფიცირების პროცესის დაფინანსება და სიხარულით ვიტყვი რომ წელს ველოდები ბიოსერტიფიცირებას. რაც ევროპის ბაზარზე გასვლის საშუალებას იძლევა და ისედაც ორიენტაცია უნდა გვქონდეს ევროპაზე, ხარისხზე, რადგან ამდენი წლის განმავლობაში ქართული ღვინის პრობლემა სწორედაც რომ უხარისხობა იყო.
დასასრულს ვიტყვი რომ GRETA პროექტის მაგალითზე, რომელმაც გარდამტეხი როლი შეასრულა ჩემს საქმიანობაში, მზად ვარ ახალი საქმიანი ურთიერთობებისთვის და ხელმისაწვდომი ვარ დაინტერსების შემთხვევაში ტელეფონის, ელ ფოსტის და ასევე გრეტას დახმარებით გაკეთებული ვებ საიტის მეშვეობით, რომელიც მალე ჩაეშვება წარმოებაში.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის